Spelling: matnlarni orfografik tekshirish

Hozirgi kunda matnlarga ishlov berish dasturlashning asosiy masalalaridan biri hisoblanadi. Eng ommabop va foydali vazifalardan biri bu — matnlarni orfografik hatoliklarga tekshirish. Ushbu maqolada matnlarni orfografik hatoliklarga tekshirishda qo'llaniladigan algoritmlardan biri haqida to'xtalib o'tmoqchiman.

Kim bo'lsam ekan? Dasturchi!

Ha ayni shu savol ko'pchilik yoshlarimizda muammoli holatni keltirib chiqaradi. Gap dasturlovchilar — axborot texnologiyalari sohasining bo'lajak mutaxassislari haqida ketmoqda. Bu soha yurtimizda endi bo'y ko'rsatayotgan davrda axborot va kompyuter texnologiyalari, dasturlash kabi hozirda dunyo bo'yicha eng zamonaviy hamda top reytingda turuvchi soha va uning mutaxassislari — dasturchilar haqida ko'pchilik yurtdoshlarimiz yetarlicha tasavvurga ega emas. Shu sabab hozrida ayni kasb tanlash davrida bo'lgan yuqori sinf o'quvchilari orasida axborot texnologiyalari nima, oddiygina kompyuter yordamida qanday qilib tadbirkorlik qilish yoki kelajakda «non topish» kabi savollarni o'ylab ko'radiganlari yoki ularga yo'l ko'rsatuvchi ota-onalar, o'qituvchilar orasida aniq tasavvurga egalari kamdan-kam. Nafaqat o'quvchi yoki ta'lim hodimlari, balki davlat va jamoat muassasalari, ishlab chiqaruvchi va xizmat ko'rsatuvchi tadbirkorlik subyektlari rahbar-hodimlar orasida ham axborot texnologiyalarini qo'llagan holda ish unumdorligini oshirish, resurslarni tejash kabi tushunchalar endi shakillanib bormoqda. Ho'sh shunday davrda ayni bugun qaror qabul qilish ostonasida turgan yoshlarga nima maslahat bera olamiz? Real soha bilan tanishtirish va ularda axborot texnologiyalariga bo'lgan ishonchni oshirishda qay yo'sinda ish olib borish kerak?

Web sahifalarni optimallashtirish vositalari

Web developer sifatida bilishimiz kerak bo'lgan ayrim vositalar to'g'risida. Umuman olganda ixtiyoriy web-saytni yaratishda avvalambor dizaynerlar va dasturchilar muhim ro'l o'ynaydi. Sayt kontenti, mazmuni, dizayni va uning parda ortidagi tarafi — backend qay darajada professional yozilganligi uning reytingini belgilab berishi turgan gap. Shu o'rinda web-saytni TOP qatorlarda turishi SEO va Performance kabi 2 asosiy mezonga ham bog'liq. Uzr, ayni shu o'rin uchun mos performance atamasining o'zbek tilidagi yaxlit qiyofadoshini topa olmadim, to'g'ri uni samaradorlik, unumdorlik kabi so'zlar bilan ifodalashimiz mumkin, lekin ayni «website performance» jumlasi ma'nosini ifodalab berishi qiyindek tuyuldi menga, balkim Sizga biror bir fikr kelgandir. Umuman olganda web-sayt ishlash tezligi, so'rovlarga tez va behato javob bera olish qobilyati, web standartlarga mosligi, brauzerda ifodali va qulay tarzda ko'rina olishi kabilarni «performance» deb tushunsak bo'ladi.

Ot sayohati

Ushbu maqolamizda ajoib boshqotirmalardan biri bo'lgan «Knight's tour» ya'ni «Ot sayohati» masalasiga to'xtalib o'tmoqchimiz. Masala sharti juda ham oddiy: NxN o'lchamdagi shaxmat doskasining barcha kataklarini ot bilan yurib chiqish, bunda toychoq har bir katakka bir marta tashrif buyuradi. Masala bilan wikida batafsil tanishib chiqishingiz mumkin.

Salom Magento!

Magento – hozirda internet magazinlarni tashkil qilish va boshqarish uchun mukammal platformalardan biri bo'lib, u PHP OOP da yozilgan CMS hisoblanadi. CMS – (content management systems, kontentni boshqarish tizimlari) haqida yozishni hojati yo'q, chunki hozirda Drupal, Worpress, Joomla kabi CMS larni ishlatib ko'rmagan web dasturchi bo'lmasa kerak. Magento nafaqat CMS balki uni freymwork toifasiga kiritsak ham bo'ladi. Chunki unda nafaqat internet do'konlarni qurish, balki ular uchun istalgan vazifani bajaruvchi dinamik web tizimlarni qursak ham bo'ladi. Magentoning rivojlanishi zamonaviy eCommerce tizimlari ko'rinishi, va ular haqidagi qarashlarning o'zgarishiga asos bo'ldi.

Yurtimizda on-layn to'lov tizimi.

Men hozirda SsdSoftwareSolutions firmasida senior php developer sifatida ishlab kelmoqdaman. Ishim juda ham qiziqarli, ayniqsa so'nggi 2 yil davomida Magento platformasini o'rganish hamda unda internet magazinlar qurish va rivojlantirish, turli xil servislar bilan integratsiya qilish, elektron tijoratga oid yangiliklar markazida bo'lish menda ishimga bo'lgan ishtiyoq va izlanishlarimga katta turtki bo'ldi. Ayniqsa 2013-yildan yurtimizda elektron tijoratni rivojlantirish va internet do'konlarni yaratish bo'yicha yangi bosqich boshlanishi, ya'ni Uzkart milliy plastik kartalari orqali on-layn to'lovlarni amalga oshirish bo'yicha tizim yaratilayotganligi milliy domenimizda on-layn do'konlarning ko'payishiga asos bo'la oladi. Shu yil mart-aprel oyining o'zidayoq O'zbekistonda birinchilardan bo'lib Magento platformasi uchun Uzkart Onlayn to'lov modulini ishlab chiqdik va test sinovlaridan muvaffaqqiyatli o'tiganligi, to'liq magento standartlari asosida yaratilganligi quvonarli holat.
Aprel oyida esa ushbu to'lov tizimiga integratsiya qilingan va Magento platformasida qurilgan birinchi milliy internet do'konini ishga tushirdik. Demak Uzkart Onlayn plastik to'lov kartasi orqali internet do'konlardan biror bir buyum harid qilishingiz uchun avval shu kartaga sms hizmatini yoqtirishingiz zarur. Buning uchun plastik kartalarga xizmat ko'rsatuvchi terminallardan foydalaniladi va plasik karta uchun quyidagi manzildan http://my.uzcard.uz/ebank/ shaxsiy kabinet ochiladi. Batafsil ushbu maqola da ko'rishingiz mumkin.

Salom blogger

Hm, ko'raylikchi Bloggerda qancha yashar ekanmiz. Bugun bahorning 14-kuni 2013-yil shaxsiy web blogimni yuritishga qaror qildim. Umuman olganda kundalik tutush meni odatim emas, lekin biror kun foydasi tegib qolar. Hozicha ishlarim joyida, 2 kun oldin 25 yil oldingi quvonchli voqea sabab yaqinlar bilan yuzlashdik. Tug'ilgan kun qilishga doim ham "ovoz ber"mayman, menga eng ma'quli o'zimning yaqin do'stlarim bilan maroqli hordiq chiqarish yoki tabiat qo'ynida sayir qilish. Hozirda uylanib oilali bo'lganimdan so'ng "tirikchilik tashvishlari" tufayli ular bilan suhbat qurish anqoning urug'i bo'lib qoldi, deyarli hamma o'z tashvishlari bilan band. Oramizda ko'pchilik IT soha vakillari, dasturchilar bo'lishiga qaramasdan "vaqtlarimizni moslashtirish", yig'ilishning optimal usulda tashkil etish bo'yicha hech kimda hech qanaqa taklif yo'q hozicha. Mayli yana ko'ramiz...
Ishdan bo'sh vaqtda qiziqarli mashg'ulotlardan biri internetdan eng so'ngi yangiliklar, sohaga oid qiziqarli ma'lumotlarni o'rganish, qayerda nima voqeliklar bo'layotganini bilish, asosiysi ish uchun kerak bo'lgan bilimlarni to'plashdir. Ayni shu satrlarni yozayotganimda ishxonada PM dan topshiriq bo'lib qoldi. Keyingi postlarda ko'rishguncha xayr!